श्री हनुमान चालीसा
श्री हनुमान चालीसा
Hanuman Chalisa
श्री हनुमान जी के प्रति समर्पण, साहस और सेवा का भाव जगाने वाली गोस्वामी तुलसीदास की चालीसा। दोहों और सभी ४० चौपाइयों सहित पाठ पढ़ें।
आपके डिवाइस की हिंदी आवाज़ से पाठ सुनें। संस्कृत उच्चारण में अंतर हो सकता है।
॥ दोहा ॥
श्रीगुरु चरन सरोज रज, निज मनु मुकुरु सुधारि।
बरनउँ रघुबर बिमल जसु, जो दायकु फल चारि॥
बुद्धिहीन तनु जानिके, सुमिरौं पवन-कुमार।
बल बुधि बिद्या देहु मोहिं, हरहु कलेस बिकार॥
॥ चौपाई ॥
जय हनुमान ज्ञान गुन सागर।
जय कपीस तिहुँ लोक उजागर॥१॥
राम दूत अतुलित बल धामा।
अंजनि पुत्र पवनसुत नामा॥२॥
महाबीर बिक्रम बजरंगी।
कुमति निवार सुमति के संगी॥३॥
कंचन बरन बिराज सुबेसा।
कानन कुण्डल कुँचित केसा॥४॥
हाथ बज्र अरु ध्वजा बिराजै।
काँधे मूँज जनेउ साजै॥५॥
शंकर सुवन केसरी नंदन।
तेज प्रताप महा जगवंदन॥६॥
बिद्यावान गुनी अति चातुर।
राम काज करिबे को आतुर॥७॥
प्रभु चरित्र सुनिबे को रसिया।
राम लखन सीता मन बसिया॥८॥
सूक्ष्म रूप धरि सियहिं दिखावा।
बिकट रूप धरि लंक जरावा॥९॥
भीम रूप धरि असुर सँहारे।
रामचन्द्र के काज सँवारे॥१०॥
लाय सजीवन लखन जियाए।
श्री रघुबीर हरषि उर लाये॥११॥
रघुपति कीन्ही बहुत बड़ाई।
तुम मम प्रिय भरतहि सम भाई॥१२॥
सहस बदन तुम्हरो जस गावैं।
अस कहि श्रीपति कण्ठ लगावैं॥१३॥
सनकादिक ब्रह्मादि मुनीसा।
नारद सारद सहित अहीसा॥१४॥
जम कुबेर दिगपाल जहाँ ते।
कबि कोबिद कहि सके कहाँ ते॥१५॥
तुम उपकार सुग्रीवहिं कीन्हा।
राम मिलाय राज पद दीन्हा॥१६॥
तुम्हरो मंत्र बिभीषण माना।
लंकेश्वर भए सब जग जाना॥१७॥
जुग सहस्र जोजन पर भानु।
लील्यो ताहि मधुर फल जानू॥१८॥
प्रभु मुद्रिका मेलि मुख माहीं।
जलधि लाँघि गये अचरज नाहीं॥१९॥
दुर्गम काज जगत के जेते।
सुगम अनुग्रह तुम्हरे तेते॥२०॥
राम दुआरे तुम रखवारे।
होत न आज्ञा बिनु पैसारे॥२१॥
सब सुख लहै तुम्हारी सरना।
तुम रक्षक काहू को डरना॥२२॥
आपन तेज सम्हारो आपै।
तीनों लोक हाँक तै काँपै॥२३॥
भूत पिशाच निकट नहिं आवै।
महावीर जब नाम सुनावै॥२४॥
नासै रोग हरै सब पीरा।
जपत निरंतर हनुमत बीरा॥२५॥
संकट तै हनुमान छुड़ावै।
मन क्रम बचन ध्यान जो लावै॥२६॥
सब पर राम तपस्वी राजा।
तिनके काज सकल तुम साजा॥२७॥
और मनोरथ जो कोई लावै।
सोई अमित जीवन फल पावै॥२८॥
चारों जुग परताप तुम्हारा।
है परसिद्ध जगत उजियारा॥२९॥
साधु सन्त के तुम रखवारे।
असुर निकंदन राम दुलारे॥३०॥
अष्ट सिद्धि नौ निधि के दाता।
अस बर दीन जानकी माता॥३१॥
राम रसायन तुम्हरे पासा।
सदा रहो रघुपति के दासा॥३२॥
तुम्हरे भजन राम को पावै।
जनम जनम के दुख बिसरावै॥३३॥
अंतकाल रघुवरपुर जाई।
जहाँ जन्म हरिभक्त कहाई॥३४॥
और देवता चित्त न धरई।
हनुमत सेइ सर्ब सुख करई॥३५॥
संकट कटै मिटै सब पीरा।
जो सुमिरै हनुमत बलबीरा॥३६॥
जै जै जै हनुमान गोसाईं।
कृपा करहु गुरुदेव की नाईं॥३७॥
जो सत बार पाठ कर कोई।
छूटहि बंदि महा सुख होई॥३८॥
जो यह पढ़ै हनुमान चालीसा।
होय सिद्धि साखी गौरीसा॥३९॥
तुलसीदास सदा हरि चेरा।
कीजै नाथ हृदय महँ डेरा॥४०॥
॥ दोहा ॥
पवन तनय संकट हरन, मंगल मूरति रूप।
राम लखन सीता सहित, हृदय बसहु सुर भूप॥
Shri Guru charan saroj raj, nij manu mukuru sudhaari.
Baranau Raghubar bimal jasu, jo daayaku phal chaari.
Buddhiheen tanu jaanike, sumirau Pavan-Kumaar.
Bal buddhi bidya dehu mohi, harahu kalesh bikaar.
Jai Hanuman gyaan gun saagar.
Jai Kapees tihun lok ujaagar. (1)
Ram doot atulit bal dhaama.
Anjani putra Pavansut naama. (2)
Mahabeer bikram Bajrangi.
Kumati nivaar sumati ke sangi. (3)
Kanchan baran biraaj subesa.
Kaanan kundal kunchit kesa. (4)
Haath bajra aru dhwaja biraajai.
Kaandhe moonj janeu saajai. (5)
Shankar suvan Kesari nandan.
Tej prataap maha jagvandan. (6)
Bidyaavaan guni ati chaatur.
Ram kaaj karibe ko aatur. (7)
Prabhu charitra sunibe ko rasiya.
Ram Lakhan Seeta man basiya. (8)
Sookshma roop dhari Siyahin dikhaava.
Bikat roop dhari Lank jaraava. (9)
Bheem roop dhari asur sanhaare.
Ramchandra ke kaaj sanvaare. (10)
Laay sajeevan Lakhan jiyaaye.
Shri Raghubeer harashi ur laaye. (11)
Raghupati keenhi bahut badaai.
Tum mam priya Bharatahi sam bhaai. (12)
Sahas badan tumharo jas gaavain.
As kahi Shripati kanth lagaavain. (13)
Sanakaadik Brahmaadi muneesa.
Naarad Saarad sahit Aheesa. (14)
Jam Kuber digpaal jahaan te.
Kabi kobid kahi sake kahaan te. (15)
Tum upkaar Sugreevahin keenha.
Ram milaay raaj pad deenha. (16)
Tumharo mantra Bibheeshan maana.
Lankeshwar bhaye sab jag jaana. (17)
Jug sahasra jojan par Bhaanu.
Leelyo taahi madhur phal jaanu. (18)
Prabhu mudrika meli mukh maahin.
Jaladhi laanghi gaye acharaj naahin. (19)
Durgam kaaj jagat ke jete.
Sugam anugrah tumhare tete. (20)
Ram duaare tum rakhvaare.
Hot na aagya binu paisaare. (21)
Sab sukh lahai tumhaari sarna.
Tum rakshak kaahu ko darna. (22)
Aapan tej samhaaro aapai.
Teenon lok haank tai kaampai. (23)
Bhoot pisaach nikat nahin aavai.
Mahaveer jab naam sunaavai. (24)
Naasai rog harai sab peera.
Japat nirantar Hanumat beera. (25)
Sankat tai Hanuman chhudaavai.
Man kram bachan dhyaan jo laavai. (26)
Sab par Ram tapasvee raaja.
Tin ke kaaj sakal tum saaja. (27)
Aur manorath jo koi laavai.
Soi amit jeevan phal paavai. (28)
Chaaron jug prataap tumhaara.
Hai parsiddh jagat ujiyaara. (29)
Saadhu sant ke tum rakhvaare.
Asur nikandan Ram dulaare. (30)
Ashta siddhi nau nidhi ke daata.
As bar deen Jaanaki maata. (31)
Ram rasaayan tumhare paasa.
Sada raho Raghupati ke daasa. (32)
Tumhare bhajan Ram ko paavai.
Janam janam ke dukh bisraavai. (33)
Antakaal Raghubar pur jaai.
Jahaan janma Haribhakta kahaai. (34)
Aur devata chitt na dharai.
Hanumat sei sarb sukh karai. (35)
Sankat katai mitai sab peera.
Jo sumirai Hanumat balbeera. (36)
Jai jai jai Hanuman Gosaain.
Kripa karahu Gurudev ki naain. (37)
Jo sat baar paath kar koi.
Chhootahi bandi maha sukh hoi. (38)
Jo yah padhai Hanuman Chalisa.
Hoy siddhi saakhi Gaureesa. (39)
Tulsidas sada Hari chera.
Keejai Naath hriday mah dera. (40)
Pavan tanay sankat haran, mangal moorati roop.
Ram Lakhan Seeta sahit, hriday basahu sur bhoop.
अर्थ व परिचय
The Hanuman Chalisa is a devotional hymn attributed to Goswami Tulsidas. Its opening dohas, forty chaupais and closing doha praise Hanuman’s wisdom, courage and devotion to Rama. This page presents a traditional text and a reading aid in Roman letters; spellings vary across editions.
रोमन लिपि उच्चारण में सहायता के लिए है। पारंपरिक संस्करणों और क्षेत्रीय पाठों में वर्तनी तथा शब्दों के अंतर मिल सकते हैं।
गोस्वामी तुलसीदास · पारंपरिक अवधी पाठ। पारंपरिक पाठों में क्षेत्रीय पाठांतर मिल सकते हैं। परिचय और पठन-सहायता भव तारिणी भक्ति द्वारा तैयार किए गए हैं।
मूल पाठ-संदर्भ